Ил Түмэҥҥэ пленарнай мунньах, Арассыыйа күнэ, кэккэ федеральнай көҕүлээһиннэр — бу уонна да атын тиэмэлэри бэс ыйын 9 күнүгэр, бэнидиэнньиккэ, Айсен Николаев кыттыылаах бырабыыталыстыба уонна дьаһалта салалтатын кытта мунньахха дьүүллэстилэр, суруйда Саха сирэ саайт.
Сарсын буолар парламент мунньаҕар Ил Дархан социальнай- экэнэмиичэскэй сайдыыга урут ынылыллыбыт быһаарыылары толорууга отчуот бэлэмниир наадатын бэлиэтээтэ.
Ону таһынан анал байыаннай дьайыы кыттыылаахтарын үлэнэн хааччыйыыга болҕомтотун уурда.
«Былааны олоххо киллэриигэ көрдөһөбүн. Бу сорук ураты суолталаах. Үлэ биэрээччилэри кытта бииргэ үлэлээһин наада», — диэтэ Айсен Николаев.
Өссө биир дьүүллэһии боппуруоһунан креативнай кластердар быраабылалара буолла. Кластердар инновациялары сайыннарарга көдьүүһэ үрдүк.
Ону сэргэ сүбэ мунньахха «Доброволец России» диэн анал түөскэ кэтиллэр бэлиэни ылыы сайаапкатын арылларын туһунан кэпсэттилэр. Айсен Николаев Саха сиригэр үгүс киһи бу салааҕа үлэлиирин уонна наҕараадаҕа этиилэри ыытарга сорудахтаата.
Арассыыйа күнүгэр Айсен Николаев улахан социальнай эбийиэктэри арыйыыга болҕомтотун тарта — Мэҥэ Хаҥалас улууһун Аллараа Бэстээх бөһүөлэгэр уонна Горнай оройуонун Бэстээх сэлиэнньэтигэр «Атамай» сынньалаҥ киинннэрэ арыллыахтара. Бу туһунан СӨ Ил Дарханын уонна уонна Бырабыыталыстыбатын пресс-сулууспата суруйар.
