Ахсынньы 7 күнүгэр Саха сирин педагогтарын уопсастыбаннаһа Россияҕа педагог уонна наставник сылын түмүгүн таһаарда. Өрөспүүбүлүкэҕэ күн бүгүн 190 педагог династията баар, холбоон хас да сүүһүнэн үлэ ыстааһа көстөр.
Саха сиригэр тас сибээскэ уонна норуоттар дьыалаларыгар министиэристибэ «Лучшая интернациональная педагогическая семья» бастакы өрөспүүбүлүкэтээҕи куонкуруһу тэрийэн ыытта, суруйар ЯСИА.
«РФ педагог уонна наставник сылыгар Ил Дархан өрөспүүбүлүкэҕэ норуоттар уонна национальнай култууралар күннэрин тэрийэр туһунан ыйаах таһаарбыта үөрүүлээх. Кэлэр сылга педагогтар биһиги региоммутугар олорор норуоттар култуураларыгар улахан болҕомтону ууралларыгар баҕарыам этэ, бу биһиги баайбыт. Куонкурус үгэскэ кубулуйарыгар баҕарыам этэ уонна сылын аайы ыытылларыгар», — миниистир солбуйааччыта Татьяна Пяткина эттэ.
2 степеннээх диплому Валерия уонна Елизавета Сергеевтар Дьокуускайтан ыллылар.
1 степеннээх диплому Семен Талыбыев уонна Марии Третьякова дьиэ кэргэнэ Дьокуускайтан туттулар.
Куонкурус Гран-при хаһаайыннарынан Андрей уонна Анна Ивановтар Уус Майа улууһуттан буоллулар.
