Уу тырааныспарынан Саха сирин хоту өттүгэр 1 мөл. 290 тыһыынча туонна олоҕу-дьаһаҕы хааччыйар таһаҕаһы тиэйдилэр. Бу былаантан 14 тыһыынча туоннаан элбэх, диэн СИА-ҕа регион баһылыгын уонна бырабыыталыстыбатын пресс-сулууспата иһитиннэрдэ.
«Хоту эҥэр таһаҕаһы тиэйии туһунан этэр буоллахха, бу судаарыстыба эрэ наадыйыытыгар буолбакка, промышленнай предприятиеларга, биһиги тыйыс кыраайбытын табаарынан, аһынан- үөлүнэн хааччыйана олорор дьоҕус уонна орто бизнес тэрилтэлэригэр барыларыгар сыһыаннаах уонна анллаах. Дьокуускай уонна өрөспүүбүлүкэ арҕааҥы өттө сыл аҥаара авиаттан ураты тырааныспар сырыыта суох олороллор. Онон билигин дойду бэрэсэдьиэнин сорудаҕынан хотугу сиргэ таһаҕаһы таһыы туһунан, дьон олоҕун тупсарар сыаллаах сокуон барылын бэлэмниибит», — диэн бэлиэтээтэ Айсен Николаев.
This post was published on 21.10.2022 16:05 16:05