Бэҕэһээ Анаабыр эбэҕэ Саскылаах туһаайыытынан 1,8 мөл күндүөбэй балык ыаматын ыыттылар. Чернышевскайдааҕы балык собуотун, экология министиэристибэтин уонна Анаабыр улууһун салалтатын, «Анаабыр Алмаастара» АУо кыттыһыылаах дьаһаллара буолар, суруйар СИА.
Дьаһалга Анаабыр улууһун баһылыга Иван Семенов, «Анаабыр алмаастара» тэрилтэ генеральнай дириэктэрэ Павел Маринычев, Чернышевскайдааҕы балык собуотун дириэктэрэ Василий Черепанов кыттыыны ыллылар.
“Балыгы үөскэтии тэрээһинэ улуус баһылыга Иван Семенов көҕүлээһинэ. Былырыын «Дорожнай картаҕа» илии баттаммыта. Элбэх үлэ ыытылынна, наука өттүттэн көрүү эмиэ баар. Атын хоту улуустарга бу дьаһал холобур буоларыгар эрэллээхпит”, – диэтэ Василий Черепанов.
