18 Ыам ыйа 18.05
  • -7°
  • $ 104,68
  • 115,6

Саха сиригэр бүтэһик сууккаҕа 37 киһи коронавируска сутулунна, биэс пациент үтүөрдэ

Дьокуускайга 35 киһи сыстыганнаах дьаҥҥа ыарыйда, онтон 30-та ХИФУ устудьуоннара. Биирдии түбэлтэ — Өймөкөөн уонна Ленскэй оройуоннарыгар. СИА суһал штабка сигэнэн суруйар.


Ленскэйгэ стационарга сытар Чайыҥда оробуочайыгар коронавирус диагноһа туруорулунна. Алтыспыт дьоно быһаарыллар, анаалыстар ылыллаллар.

Дьокуускайга түөрт киһи үтүөрдэ, биир — Сунтаарга. Барыта холбоон 51 киһи дьаҥтан быыһанна.

Дьокуускайга биэс киһи туруктара ыарахан.

Ил Дархан Айсен Николаев брифиҥҥэ эппитинэн, 30 саҥа эбиллии — ХИФУ устудьуоннара. Кинилэр дьаҥнаабыт устудьуон олорор уопсайын кытта сибээстээхтэр. Устудьуон ыалдьыбытын туһунан икки хонуктааҕыта биллибитэ. Барыларыгар ыарыылара сибикитэ суох ааһар, амбулаторно эмтэнэллэр.

Биир сууккаҕа лабораторияларга 1501 тест оҥоһулунна, обсерватордарга 612 киһи баар.

11.00 чааска ыам ыйын 7 күнүгэр Саха сиригэр:

Коронавирустаабыт киһи уопсай ахсаана — 385
Үтүөрбүттэр — 51
Суорума суолламмыт — 4

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар