Салайааччы бөрөҕө уонна эһэҕэ бултааһыны сылы эргиччи хааччаҕа суох көҥүллүүр туһунан этии оҥордо, маны сэргэ дьааты туттууну эмиэ. Бу Уһук хоту усулуобуйатыгар тыа хаһаайыстыбатын сүрүн чааһын сылгыны үөрдээн уонна табаны иитиини харыстыыр туһуттан ылыллар миэрэ буоларын эттэ.
«Бүгүн биһиэхэ адьырҕа кыылтан хоромньу тахсыыта улаатан иһэрин көрөбүт. 2017 — 2024 сылларга бөрө сылгыны тардыыта икки төгүл эбилиннэ, 217 төбө буолла, оттон эһэ саба түһүүтүн учуоттаатахха — сылга 300 төбөҕө тиийэр. Аҥардас 2024 сылга бөрөлөр 10 тыһыынчаттан тахса хотугу табаны суох оҥордулар. Холбоон бу хайысхаларынан хоромньу 240-тан тахса мөл солк буолла», — диэтэ Сергей Местников.
Кини кулун тутарга региоҥҥа ыытыллыбыт табаһыттар сийиэстэригэр бу боппуруос тыын суолталаах буолара бэлиэтэммитин санатта. Хаһаайыстыбалаахтар төбөнү харыстааһыҥҥа суһаллык уонна күүстээх миэрэлэри ылар туһунан туруорсубуттарын иһитиннэрдэ.
Мунньахха этиллибит көҕүлээһиннэри туһааннаах министиэристибэлэргэ уонна биэдэмистибэлэргэ көрөр туһунан этилиннэ.
This post was published on 11.04.2025 13:03 13:03