Бэнидиэнньиккэ, олунньу 2 күнүгэр, Саха сирин үксүгэр күнүскү салгын температурата -30 кыраадыстан кыра, түүн -40-ҥа чугаһыыр. Киин улуустарга синоптиктар туманы уонна күүстээх тыалы сабаҕалыыллар. Хотугу улуустарга тыал күүһүрэр кэмигэр 18 м/с тиийэр.
Олунньу 2 күнүгэр Дьокуускайга күнүс -31…-33 кыраадыс күүтүллэр, түүҥҥү температура -37…-39 буолла. ЯУГМС исписэлиистэрэ кыра хаары уонна хотуттан 1-5 м/с кэриҥэ түргэннээх тыалы сабаҕалыыллар.
Саха сирин улахан өттүгэр бэнидиэнньиккэ кыра хаардаах. Киин улуустарга сорох сиринэн тымныы туман, буурҕа күүтүллэр. Анаабыр уонна Булуҥ улуустарыгар тыал күүһүрэр кэмигэр 15-18 м/с тиийиэҕэ.
Өрөспүүбүлүкэ улахан өттүгэр салгын температурата түүн -39…-44 кыраадыс, хотугулуу-илин -32…-37 кыраадыс. Күнүс -29…-34, намыһах сирдэргэ -35 … -40.
Соҕуруу уонна соҕуруулуу-арҕаа хаар түһэр кэмигэр түүҥҥү температура -25…-30 кыраадыс. Олунньу 2 күнүгэр күнүс соҕуруу өттүгэр -19…-24 кыраадыс, хаардыыр кэмигэр -13…-18 кыраадыс буолуоҕа. Арҕаа -22… -27 кыраадыс.
