Тохсунньу 29 күнүгэр илин, соҕуруу уонна Саха сирин киинигэр кыракый хаар күүтүллэр. Сорох улуустарга салгын температурата -50 кыраадыс буолуоҕа. Ол туһунан ЯУГМС иһитиннэрэр.
Өрөспүүбүлүкэ баһыйар өттүгэр синоптиктар мөлтөх тыалы сабаҕалыыллар. Арктика кытылыгар күүһүрэр кэмигэр 9-14 м/с диэри буурҕалаах.
Түүн киин улуустарга -32…-37 кыраадыс, арыллар кэмигэр -38…-43 кыраадыс, Халымаҕа -21…-26 кыраадыс, арҕаа өттүгэр -40…-45 кыраадыс, намыһах сирдэргэ -45 … -50.
Күнүс кииҥҥэ -27…-32 кыраадыс, арҕаа уонна хотугулуу-илин -30…-35 кыраадыс, хотугулуу-арҕаа -41…-46, Халыма -16 … -21 кыраадыс.
Дьокуускайга кыра хаар, хотугулуу-арҕаа тыал 1-5 м/с. Түүн -35…-37 кыраадыс буоллаҕына, күнүс -28…-30 кыраадыс.
This post was published on 29.01.2026 08:01 08:01