Ил Дархан Айсен Николаев ахсынньы 14 күнүнээҕи дьаһалынан Саха Өрөспүүбүлүкэтигэр бөдөҥ спортивнай-маассабай күрэхтэһиилэр ыытыллар болдьохторо быһаарылынна. Бу туһунан спорт министиэристибэтэ суруйда.
«Өрөспүүбүлүкэтээҕи бөдөҥ спортивнай-маассабай күрэхтэһиилэр муниципальнай тэриллиилэр сайдыыларыгар улахан кыаҕы биэрэллэр, саамай сүрүнэ — физкультуранан уонна спордунан дьарыктанар дьон ахсаана эбиллэр», — диэтэ спорт миниистирэ Иннокентий Григорьев.
Бөдөҥ спортивнай-маассабай күрэхтэһиилэр маннык болдьохтоох ыытыллыахтара, түөрт сылга биирдэ:
2022 сылтан – Саха Өрөспүүбүлүкэтин хотугу норуоттарын оонньуулара;
2024 сылтан – Саха Өрөспүүбүүкэтин спорт кыһыҥҥы көрүҥнэригэр спартакиада;
2025 сылтан – «Манчаары оонньуулара» спорт национальнай көрүҥнэригэр спартакиада;
2026 сылтан – Саха Өрөспүүбүлүкэтин үлэ кэлэктииптэрин спартакиадата; Саха Өрөспүүбүлүкэтин спорт адаптивнай көрүҥнэригэр спартакиада;
2027 сылтан – Саха Өрөспүүбүлүкэтин норуоттарын спортивнай оонньуулара.
This post was published on 15.12.2021 18:32 18:32