Сайын бүтэһик нэдиэлэтэ киин оройуоннарга уонна Дьокуускайга ардаҕынан түмүктэниэҕэ. Ол эрээри салгын температурата нуорматтан үрдүк хаалар. Бу туһунан ЯСИА-ҕа УГМС начальнигын солбуйааччы — Гидрометкиин начаалынньыга Татьяна Маршалик иһитиннэрдэ.
«Сайын бүтэһик нэдиэлэтин саҕаланыыта биһиэхэ сылаас. Киин оройуоннарга уонна Дьокуускайга маннык күн-дьыл бэс ыйын 27 күнүгэр эмиэ оннунан хаалыаҕа. +24… +26 кыраадыска тиийиэҕэ. Хотугу уонна арҕаа фроннар үөскээн, онон сэрэдэттэн Саха сирин арҕаа өттүгэр кылгас кэмнээх ардах, этиҥ түһүөҕэ», — диэн Маршалик кэпсээтэ.
Сабаҕалыылларынан, киин оройуоннарга уонна Дьокуускайга ардах чэппиэргэ уонна бээтинсэҕэ түһүөҕэ.
«Кылгас кэмнээх ардах күүтэбит, этиҥ баар буолуон сөп. Ону тэҥэ салгын температурата 3-5 кыраадыска намтыыр да, температура син биир нуорматтан үрдүк хаалар. Атырдьах ыйын тиһэх күннэригэр температура +18… +23 тиийиэ», — диэн Татьяна Маршалик иһитиннэрдэ.
