Вакансия онлайн-дьаарбаҥката муус устар 6-7 күннэригэр буолара былааннанар. Доруобуйа харыстабылын тэрилтэлэрин бэрэстэбиитэллэрэ үлэни көрдөөччүлэри кытта кэпсэтэллэригэр электроннай былаһаакка Zoom-ҥа үлэлиэҕэ. Манна Саха сирин олохтоохторо уонна дойду атын регионнарыттан кыттыахтара.
Өрөспүүбүлүкэ нэһилиэнньэтин дьарыктаах буолуутугар Сулууспа сыала — Саха сирин Арктикатын доруобуйа харыстабылыгар тэрилтэлэригэр эдэр исписэлиистэри көҕүлээһин уонна кадр саппааһыгар үлэ.
Арктика эргимтэтин муниципалитеттара уонна доруобуйа харыстабылын тэрилтэлэрэ үлэни көрдөөччүлэри кытта кэпсэтиэхтэрэ. Аһаҕас вакансиялар, чэпчэтиилэр, үлэ усулуобуйатын ымпыгын-чымпыгын чуолкайдаһыахтара, үлэни биэрээччилэргэ быһа ыйыттыылары биэриэхтэрэ, электроннай резюмеларын ыытыахтара.
Дьаарбаҥкаҕа медицина салаатыгар үөрэх тэрилтэлэрин усудьуоннара, выпускниктара ыҥырыллаллар.
Zoom-ҥа холбонуу сигэтэ gkzn.sakha.gov.ru саайтка баар.
Источник: Государственный комитет Республики Саха (Якутия) по занятости населения
This post was published on 24.03.2021 16:28 16:28