Саха сиригэр ыам ыйын 4 күнүгэр анал байыаннай дьаһал икки кыттыылааҕа кылгас болдьохтоох уоппускаҕа кэллэ. Эр дьону Дьокуускай аэропордугар чугас доҕотторо, ону тэҥэ ЗАГС регионнааҕы управлениетын салайааччыта Тамара Кривошапкина көрүстүлэр.
Саха сирин аҕа баһылыга Айсен Николаев аатыттан эҕэрдэлээн туран, Тамара Кривошапкина байыастар хорсун быһыыларын, тулуурдарын иһин саха быһахтарын туттарда. Байыастар Өлүөхүмэ уонна Сунтаар улуустарыттан төрүттээхтэр, кинилэри төрөөбүт дойдуларыгар дьонноро долгуйа күүтэллэр диэн бэлиэтэнэр.
Эр дьон ордук оҕолорун кытары көрсүһэллэрин күүтэллэр. Дьиэлэригэр аҕаларын биирин икки кыра оҕо, иккиһин- түөрт оҕо кэтэһэллэр.
This post was published on 05.05.2023 11:03 11:03