Быыстапкаҕа Россия Героя ааты ылбыт байыаннай сулууспалаахтарга анаммыт 11 ааттаах алмаас турда. Туспа стенд үп структуратын түөрт бэрэстэбиитэлин туһунан кэпсиир. Кинилэр үлэлэрэ байыаннай кэмҥэ фроҥҥа ситиһиилэргэ сирдээбитэ. Манна Аҕа дойду улуу сэриитигэр геройдуу быһыыны көрдөрбүт Саха сириттэн 25 герой биографиятын уонна хаартыскатын туһунан билсиэххэ сөп. Искусственнай интеллект көмөтүнэн кинилэр мөссүөннэрэ оҥоһулунна.
Туспа болҕомто саха норуотуттан бастакы Сэбиэскэй Союз Геройа буолбут Федор Поповка ууруллар.
Үп миниистирин э.т. Иван Алексеев: «80 сыл анараа өттүгэр дойду Кыайыыны бырааһынньыктаабыта, бүгүн геройдарбыт ааттарын алмааска иҥэрдибит. Саамай кытаанах минерал, кинилэр биһиги биир дойдулаахтарбыт күүстэрин бэлиэтииллэр».
«Миэхэ улахан чиэс. Киэн туттуу уонна үөрүү миигин тулалыыр», — диэтэ Россия Геройа, ыччат миниистирин э.т. Игорь Юргин. Кини аата биир алмааска иҥэрилиннэ.
This post was published on 06.05.2025 18:33 18:33