Балаҕан ыйын 10 күнүгэр сарсыарда Саха сиригэр 9 115,5 га иэннээх 12 ойуур баһаара баар, итинтэн Бүлүү оройуонун сиригэр-уотугар 9,5 га иэннээх биир баһаар тохтотулунна. Эдьигээн оройуонун сиригэр-уотугар биир уот туоратылынна.
Уот Бүлүү, Дьааҥы, Кэбээйи, Өлүөхүмэ, Өлөөн, Орто Халыма уонна Томпо улуустарыгар үлэлиир. Саҥа ойуур баһаара булуллубата.
Саха Сирин экологияҕа министиэристибэтэ иһитиннэрэринэн, баһаары умуруорууга 149 киһи үлэлээтэ. Авианан кэтээн көрүүгэ 14 сөмөлүөт, умуруорууга биир МИ-8 бөртөлүөт былааннанар.
Булуллубут баһаардары умуруорууга түргэн 63% тэҥнэһэр.
Маннык муниципальнай тэриллиилэргэ: Өлүөхүмэ, Чурапчы уонна Эбээн-Бытантай оройуоннарыгар, ону таһынан Жатайга уонна Дьокуускайга территориальнай ураты баһаартан сэрэтэр эрэһиим киирдэ.
Ойуур баһаарын биллэххинэ тута: 8-800-100-94-00 эрий.
