Саха сиригэр кэнники сууккаҕа 365 коронавирус саҥа түбэлтэтэ арылынна, диэн балаҕан ыйын 23 күнүгэр СИА өрөспүүбүлүкэтээҕи оперштабка сигэнэн иһитиннэрэр.
Дьокуускайга 171 ыарыһах бэлиэтэммит. Оройуоннар ортолоругар саамай элбэх бигэргэтиллибит түбэлтэлэр Мииринэйгэ – 35, Мэҥэ-Хаҥаласка-19, Уус-Майаҕа – 17, Хаҥалас уонна Чурапчы улуустарыгар — 14-түү, Намҥа, Уус-Алдаҥҥа – 13-түү, Өлүөхүмэҕэ – 12 уонна Орто Халымаҕа-11.
Өссө 12 оройуоҥҥа аҕыстыы COVID-19 түбэлтэтин бэлиэтээтилэр. Оперштаб туруктаахтык иммунитеты оҥорорго вакцинация наадатын санатар. Сууккаҕа өрөспүүбүлүкэ лабораториялара коронавируснай инфекцияҕа 2652 чинчийиини ыыппыттар. Пандемия саҕаланыаҕыттан барыта 2 567 514 тест оҥоһуллубут.
