21 От ыйа 21.07
  • 22°
  • $ 88,02
  • 96,04

Саха сиригэр ааспыт сууккаҕа 14 ойуур баһаара тохтотулунна

Хаартыска: ЯСИА саайта
Читайте нас на
Яндекс Новости
ЯДВ
Ааспыт сууккаҕа Саха сиригэр 13 ойуур баһаара тохтотулунна, уопсай иэнэ 14 037,5 га уонна биир 0,2 гаалаах ландшафт уота. Ол туһунан от ыйын 2 күнүгэр экология миниистирин солбуйааччыта Андрей Коноплёв брифиҥҥэ эттэ.

«Ааспыт сууккаҕа авиационнай-космическай мониторинг 11 ойуур баһаара баарын булла, уопсай иэнэ 314 га. Ойуур баһаарын утары охсуһааччылар тоҕус уоту тохтоттулар, уопсай иэнэ 116 697 га: икки Алдаҥҥа, биир Дьааҥыга, биир Ленскэйгэ, үс Өлүөхүмэҕэ, биир Уус Майаҕа, биир Томпоҕо.

От ыйын 2 күнүн сарсыардатыгар өрөспүүбүлүкэҕэ 105 умайыы очага баар, уопсай иэнэ 350 670,5 га. Биир ландшафтнай айылҕа баһаара атын категориялар сирдэригэр баар, уот сиэбит иэнэ 3496 га. Бу баһаардар 21 муниципальнай тэриллии территорияларыгар бааллар», — диэтэ Коноплёв.

Умуруорууга 1461 киһи уонна 82 техника кыттар. Сотору кэминэн зондировщик-сөмөлүөттэр көтүөхтэрэ: Ан-26 «Циклон» «Авиалесоохрана» Уус Майаҕа үлэлиэҕэ, Ан-26 «Атмосфера» «Полярнай авиалиниялар» Өлүөхүмэ хоту өттүгэр уонна Горнай чааһыгар.

Следите за самым важным и интересным в Telegram-канале и WhatsApp-группе ЯСИА