Ааспыт сууккаҕа Үөһээ Бүлүү, Бүлүү, Нам, Өлөөн, Орто Халыма, Таатта оройуоннарыгар уопсайа 4 118,4 гектар иэннээх 10 баһаары туораттылар. Бу туһунан бээтинсэ сарсыарда экология министиэристибэтэ иһитиннэрдэ.
Суукка саҕаланыытыгар Дьааҥы, Кэбээйи, Өлүөхүмэ, Орто Халыма уонна Томпо оройуоннарын территорияларыгар 5 047 гектар иэннээх алта ойуур баһаара бэлиэтэнэр.
Уоту умуруорууга 13 киһи үлэлиир. Авиациянан кэтээн көрүүгэ тоҕус сөмөлүөт, умуруорууга икки бөртөлүөт былааннанар. Саҥа көстүбүт баһаардары умуруоруу түргэнэ — 63%.
Өлүөхүмэ, Чурапчы, Эбээн-Бытантай оройуоннарыгар, Жатайга уонна Дьокуускайга территориальнай анал баһаартан сэрэтэр эрэһиимнэр киирдилэр.
Ойуур баһаарын биллэххинэ 8-800-100-94-00 ыҥырыҥ.
