Бэс ыйын 13 — 14 күннэригэр Саха сиригэр федеральнайдааҕы Сабантуй буолуоҕа. Татаар норуотун сүрүн бырааһынньыктарыттан биирдэстэрэ. Саха сирэ аан бастакытын улахан тэрээһини ылар, манна култуура, илиинэн оҥорон таһаарыы, спорт былаһааккаларын биир сиргэ түмэр.
Бырааһынньыкка бэлэмнэнии туһунан Саха сирин уонна Татарстаан култуураларын министиэристибэтин бэрэстэбиитэллэрэ кэпсэттилэр.
ЯСИА-ҕа култуура миниистирэ Афанасий Ноев эппитинэн, федеральнайдааҕы Сабантуй өрөспүүбүлүкэҕэ Ил Дархан Айсен Николаев өйөбүлүнэн ыытыллар. Бырааһынньык чэрчитинэн, бэс ыйын 13 күнүгэр Д.К. Сивцев — Суорун Омоллоон аатынан опера уонна балет тыйаатырыгар Татарстаан Өрөспүүбүлүкэтин маастардарын кэнсиэрэ буолуоҕа. Бу күн Национальнай бибилэтиэкэҕэ «Встречаем праздник Сабантуй» холбоһуктаах кинигэ быыстапката тэриллиэҕэ, Саха сирин уонна Татарстаан суруйааччыларын сойууһа, «Сахапечать» уонна «Татмедиа» медиахампаанньа тэрийиэхтэрэ.
«Сабантуй — татаардар национальнай бырааһынньыктара, фольклор, норуот былыргы үгэстэрэ көрдөрүллэр. Сири кытта үлэ уонна култуура, олох сайдыыта, кэскилэ кэпсэниэҕэ. Саха сирин дьоно маны барытын бэйэлэрэ көрөллөрүгэр баҕарабыт», — диэтэ миниистир.
Сиһилии https://ysia.ru/v-yakutii-vpervye-projdet-federalnyj-sabantuj/
This post was published on 09.04.2025 16:13 16:13