Саха сирин историятыгар аан бастаан ыытыллар быырпах бэстибээлэ 2026 сыл от ыйыгар событийнай туур айан чэрчитинэн тэриллиэҕэ. Ол туһунан туризм миниистирэ Георгий Андреев социальнай ситимнэргэ кэпсээтэ.
«Аһы-үөлү тэрийээччилэр уопсастыбаларын кытта от ыйыгар быырпах-фест, атырдьах ыйыгар — «Сыр фест» бэстибээл, күһүн аан дойдутааҕы туризм күнэ, сэтинньигэ-ахсынньыга «Кыһын Саха сириттэн саҕаланар» бэстибээли былаанныыбыт, — диэтэ миниистир. Манна эбии кини Ыһыаҕы уонна муус устарга буолар туризм бэстибээлин кэпсээтэ.
Андреев бэлиэтээбитинэн, быырпах бастакы бэстибээлин тэрээһининэн саха үгэс буолбут утахтарын тарҕатааччы энтузиастар үлэлииллэр.
«Саха сирин аһа-үөлэ баай, бу бэстибээл биһиги доҕордоспот дойдуларбытыгар тастан киллэриини хааччахтыыр эппиэт быһыытынан билиниэххэ сөп. Сахалар төрүт утахпытын оҥоруунан дьарыктанааччылар бородууксуйалара бааллар, кинилэр туһалаахтарын ааһан, минньигэстэр», — диэтэ салайааччы.
This post was published on 05.03.2026 13:06 13:06