Саха сиригэр хорҕолдьуну хостооһун кээмэйэ 2022 сылга тоҕус ый устата 607 туоннаҕа тэҥнэстэ. Саамай элбэх хорҕолдьну хостооһун рекордун Саха сириттэн РФ Арктическай зонатын бастакы резиденэ – «Янолово» олохтоото диэн, регион баһылыгын уонна бырабыыталыстыбатын пресс- сулууспатыгар иһитиннэрдилэр.
Саха сирин баһылыга этэринэн, Арассыыйа бэрэсэдьиэнэ Владимир Путиҥҥа, дойду бырабыыталыстыбатыгар уонна РФ Арктическай зонатыгар сайдыы институттарыгар туруорбут чэпчэтиилээх режимнэр көмөлөрүнэн инникитин регион экономиканы түргэнник сайдар уонна дьон олоҕун хаачыстыбата үрдүүр кыахтаныаҕа.
«Биһиги бу бырайыак кэскиллээх диэн көрөбүт. Тирэхтээхтэн бастакы концентраты былырыын эрэ ылбыттара уонна билигин «Янолово» бу сири үчүгэйдик туһанан эрэр», — диэн бэлиэтээтэ Айсен Николаев. «Янолово » — Саха сиригэр хорҕолдьуну хостуур соҕотох тэрилтэ уонна регионтан бастакы резидент. Тэрилтэ Усуйаана оройуонун сиригэр- уотугар хорҕолдьуну хостооһуну ыытар. Санатан эттэххэ, 2022 сыл 9 ый иһигэр региоҥҥа чоҕу хостооһун кээмэйэ улааппыта. Көмүһү хостооһун эмиэ улаатар.
