2023 с. сэтинньи 1 күнүнээҕи туругунан, Саха сиригэр «Үйэ оҕолоро» тус сыаллаах хапытаалы биэрии туһунан 18 597 быһаарыы ылылынна. Көрүллүбүт үбүнэн барыта 7 582 ыал туһанна, көмө уопсай суумата 615 мөл. солк. тэҥнэһэр. Бу туһунан өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрэр.
Хапытаалы үксүн дьиэ-уот усулуобуйатын тупсарыыга туһаммыттар манна 456 мөл. суумаҕа 5 727 сайабылыанньа киирбит, ону тэҥэ тырааныспар ылыыга 151 мөл. солк. суумаҕа 1 696 сайабылыанньа көрүллүбүт.
Ону таһынан, 45 ыал оҕо аатыгар бааннарга вклад арыйбыттар, өссө 41 ыал тус сыаллаах хапытаалы хаһаайыстыбаны сайыннарыыга, 33 — оҕону үөрэттэриигэ, 26 — оҕоҕо үрдүк технологиялаах көмөнү оҥорууга уонна 14 — дьиэ кэргэн Арассыыйа иһинэн сынньалаҥҥа туһаммыттар.
This post was published on 02.11.2023 14:03 14:03