Саха сиригэр кэлэр күннэргэ бытархан тымныытар түһэллэрэ күүтүллэр, -64… -65 кыраадыс буолуоҕа. Тоһуттар тымныылар тохсунньу 16 күнүгэр диэри туруохтара.
УГМС тэрилтэ иһитиннэрбитинэн, тохсунньу 12 күнүттэн тымныы салгын хотугулуу-илинтэн илин сыҕарыйыа, онтон — киин улуустарга тиийиэҕэ.
Нэһилиэнньэлээх пууннарга тымныылар кэмнэригэр туманнаах буолуоҕа. Синоптиктар борогунуостарынан, тохсунньу 13 — 14 күннэригэр илин эҥэргэ, Бүлүү бөлөххө, киин улуустарга талан кыраадыс -53… -58 буолуоҕа, хотугулуу-илин, хотугулуу-соҕуруу, хоту улуустарга миэстэлэринэн кыраадыс -60… -65 кыраадыс.
Соҕуруу, соҕуруулуу-арҕаа уонна Халымаҕа хаар түһэр кэмигэр -38… -43.
Дьокуускайга кэлэр түүннэргэ температура-42… -44. Бээтинсэҕэ күнүс -40… -42 кыраадыс.
Тохсунньу 12 күнүгэр саамай тымныы Уус-Ньараҕа бэлиэтэммит, күн аҥарыгар -56 кыраадыс, Өймөкөөҥҥө — -54.