30 Кулун тутар 30.03
  • -16°
  • $ 92,37
  • 99,53

Саха сиригэр 5G сибээс кэлиэ дуо?

10:03, 18 ноября 2020
Текст:
Читайте нас на
Яндекс Новости
ЯДВ

СӨ Инновацияҕа, цифровой сайдыыга уонна инфокоммуникационнай технологияларга миниистирэ Анатолий Семенов социальнай ситимнэртэн быһа эпииргэ сэтинньи 17 күнүгэр таҕыста.


Миниистир улуустарга айти-кииннэр арыллыыларын, түргэн интэриниэккэ холбонуу ханна тиийбитин туһунан сиһилии кэпсээтэ. Ол курдук, оптоволокноҕа билигин Арктика улуустара холбоноллоругар улахан болҕомто ууруллар эбит. Итиэннэ номнуо интэриниэккэ холбоммут улуустар тэйиччи турар нэһилиэктэрин ситимҥэ холбуурга үлэ барар.

Быһа эпиир кэмигэр Анатолий Аскалоновичка ыйытыылар киирдилэр. Эпиири көрөөччү: «Саха сиригэр 5G сибээс кэлиэ дуо?» — диэн ыйытта. Онуоха миниистир маннык хоруйдаата: «Бу сибээһи Саха сирэ эрэ буолбакка бүтүн дойду күүтэр. 5G сибээс частоталарын билигин байыаннай сыалга тутталлар. Ол эрээри, ырытыһыы барар, баҕар, уопсай туттааһыҥҥа киллэриэхтэрэ. Эксперимент быһыытынан «Сколково» инновационнай кииҥҥэ, «Эрмитаж» мусуойга холбообуттара. Саха сиригэр кэлэрэ чугастааҕы кэмҥэ былааҥҥа суох».

© edersaas.ru сайтан: https://edersaas.ru/sahasiriger-39/

Следите за самым важным и интересным в Telegram-канале и WhatsApp-группе ЯСИА