Атырдьах ыйын 25 түүнүгэр арҕаа, соҕуруу уонна Саха сирин киин өттүгэр салгын температурата үс кыраадыска тиийэ намтыаҕа, оттон хотугулуу-илин диэки -5 кыраадыска тиийэ түһүөҕэ, диэн Саха сиринээҕи УГМС иһитиннэрэр.
Тоҥоруулар Үөһээ Бүлүү, Бүлүү, Өлүөхүмэ, Горнай, Кэбээйи, Хаҥалас, Уус Алдан, Чурапчы, Таатта, Амма, Алдан оройуоннарыгар уонна Дьокуускай куоракка буолуохтара.
Онуоха Өймөкөөн оройуонугар ардах, оттон хайаҕа инчэҕэй хаар түһэрин сылыктыыллар. Өрөспүүбүлүкэ атын сиригэр-уотугар сөҥүү түһэрэ күүтүллүбэт.
This post was published on 24.08.2023 19:38 19:38