«Уопсай история уонна Россия историята биир кэлим куурсунан бэриллэр, киин болҕомто биһиги Ийэ дойдубутугар ууруллар уонна Россия үгэскэ кубулуйбут духуобунай-нравственнай сыаннастарыгар», — диир Батюшкин.
Учебниктар ааптардарынан РФ президенин көмөлөһөөччүтэ Владимир Мединскай уонна Россия наукатын академиятын академига Александр Чубарьян буолаллар. Кинилэр кинигэлэринэн 10 — 11 кылаас үөрэнээччилэрэ историяны 2023 сылтан үөрэтэллэр.
«Матырыйаал өйдөнөрдүк бэриллибит, Аҕа дойду аныгы историятын событиеларын туһунан дьиҥнээх информация баар. Иитэр функциялаах. Хас параграф аайы эбии информация уонна эбии информацияҕа сигэлэр бэриллэллэр (QR-кодтар). Методическай аппараата араас сорудахтаах, билиини сыаналааһыҥҥа бэлэмниир киэптээх», — диэтэ Прокопий Батюшкин.
