Өр турбут ылаас күннэр кэннэ Саха сиригэр эмиэ тымныы түһэрэ күүтүллэр. Соторутааҕыта + температураны көрдөрөн турбут соҕуруулуу-арҕаа эҥэр бу күннэргэ кыраадыс -22…-27 диэри намтыаҕа, оттон өрөспүүбүлүкэ хотугулуу-илин өттүгэр -46 кыраадыска диэри тымныйара күүтүллэр. Бу туһунан Дьокуускайдааҕы УГМС тус сайтыгар суруйар.
Сэрэдэҕэ, сэтинньи 22 күнүгэр, киин оройуоннарга -20 -25 кыраадыс буолуоҕа, хоту өттүгэр — -28 -33, хотугулуу-илин — -35-40, соҕуруу уонна соҕуруулуу-илин — -15-20 тиийэ тымныйарын сылыктыыллар.
Чэппиэргэ уонна бээтинсэҕэ, сэтинньи 23 уонна 24 күннэригэр, регион киинигэр отучча кыраадыстаах тымныылар түһүөхтэрэ, күнүһүн -28…-30 буолуоҕа, соҕуруулуу-арҕаа уонна Халыма эҥэр -22…-27, оттон хотугулуу-арҕаа-15…-20 кыраадыс буолара күүтүллэр.
