Ыам ыйынааҕы ыйыыларга киирбэккэ хаалбыт бүддьүөт эйгэтин үлэһиттэрин хамнастара Саха сиригэр муус устар 1 күнүттэн 6,3% үрдүөҕэ. Бу туһунан өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрэр.
Региоҥҥа хамнас үрдээһинигэр 1,85 млрд солк. көрүлүннэ, бу 36 тыһыынчаттан тахса бүддьүөт үлэһитин таарыйыаҕа.
Ону таһынан, муус устар 1 күнүттэн намыһах дохуоттаах квалификациялаах үлэһиттэр үлэлэрин төлөбүрүн объективнай дифференциациятын саҥардыы саҕаланна. Онно 1,3 млрд солк. үп көрүлүннэ.
Билигин ситэриилээх былаас уорганнара үлэ төлөбүрүн салааларыгар уларытыылары киллэрэр бырайыактары бэлэмнииллэр.
This post was published on 18.04.2023 11:03 11:03