Саха сиригэр 30 кыраадыстаах куйаас төннүөҕэ. Оптуорунньукка өрөспүүбүлүкэ кэккэ оройуоннарыгар +30 +33 кыраадыска тиийэ сылыйыаҕа, диэн Дьокуускайдааҕы УГМС иһитиннэрэр.
От ыйын 18 күнүгэр киин оройуоннарга күнүс +25 +30 кыраадыс буолара күүтүллэр. Өрөспүүбүлүкэ соҕуруу өттүгэр +33 тиийэ сылыйыаҕа. Халыма-Индигиир оройуоннарыгар уонна соҕуруулуу-арҕаа диэки +20+25, хотугулуу-арҕаа — +15 +20 кыраадыс туруоҕа.
Синоптиктар чугастааҕы сууккаҕа Ленскэй, Сунтаар, Кэбээйи, Эдьигээн, Ньурба оройуоннарыгар уонна Бүлүү, Үөһээ Бүлүү хоту өттүгэр күүстээх ардах түһэрин туһунан сэрэттилэр.
Дьокуускайга оптуорунньукка күн иккис аҥарыгар быстах ардахтыаҕа. Күнү дьылы кэтээн көрөөччүлэр күнүһүн +27 + 29 кыраадыс сылыйыа диэн эрэннэрэллэр. Күн бүтүүтэ сөкүүндэҕэ 5-10 миэтэрэҕэ тиийэр күүстээх тыал түһүөҕэ.
