Үлэ уонна социальнай харысхал миниистирэ Антон Котяков 3 — 7 саастаах оҕолорго төлөбүрдэри оҥорууга Саха сирэ техническай уонна нормативнай бэлэминэн лидердар ортолоругар баарын бэлиэтээтэ.
Оҕоҕо көрүллүбүт ыйдааҕы төлөбүрү биэриигэ бэлэм туһунан РФ субъектарын кытта видеонан мунньах буолла. Ол туһунан СИА-ҕа үлэ министиэристибэтин пресс-сулууспата иһитиннэрдэ.
Кыра дохуоттаах дьиэ кэргэттэргэ босуобуйаны биэрии бэс ыйын 1 күнүттэн саҕаланар. Кээмэйэ I зонаҕа – 10 274 солк, II зонаҕа – 8 651 солк.
Киһи электроннай сайабылыанньа эрэ ыытар. Атын докумуоннарын социальнай көмүскэл уоргаттара хомуйаллар.
This post was published on 22.04.2020 14:02 14:02