Дьокуускайга уонна өрөспүүбүлүкэ кэккэ оройуоннарыгар синоптиктар температура үрдээһинин бэлиэтииллэр.
УГМС иһитиннэрэринэн, чэппиэргэ, атырдьах ыйын 20 күнүгэр, киин оройуоннарга күнүс +25 кыраадыска диэри, соҕуруулуу-арҕаа +28 диэри итийиэҕэ. Хотугулуу-илин күнүс температура +14…+19 буолуоҕа.
Дьокуускайга күннээх күн күүтүллэр, салгын +23…+25 кыраадыска диэри итийиэҕэ.
Соҕуруулуу-илин оройуоннарга кыра ардах түһүөҕэ. Атын оройуоннарга сөҥүүтэ суох.
УГМС атырдьах ыйын 20-21 күннэригэр Ленскэйгэ, Өлүөхүмэ соҕуруу өттүгэр, атырдьах ыйын 21-22 күннэригэр Мииринэйгэ, Өлөөн оройуонун соҕуруу өттүгэр ойуур баһаарын куттала үрдүк IV кылааһа олохтонорун сэрэтэр.
