Саха сиригэр от ыйын 18 күнүнээҕи туругунан, 27 792,62 туонна үүт туттарылынна, бу 2024 сыллааҕы былаантан 50,6%. Ааспыт сыллааҕы дааннайы кытта тэҥнээтэххэ, 23,5%-нан элбэх үүт туттарылынна. Ол туһунан регион салалтатын пресс-сулууспата иһитиннэрдэ.
Үүт тутуутунан Дьокуускайга 44 тэрилтэ уонна өрөспүүбүлүкэҕэ 20 оройуоҥҥа дьарыктаналлар. Муниципальнай тэриллиилэргэ үүккэ субвенция 68% эбэтэр 2430,217 мөл солк ыытылынна. Нам уонна Өлүөхүмэ улуустара 80% ыллылар.
