Сыл саҕаланыаҕыттан суут быһаарыытынан төлөттөрүү уорганнарын сотрудниктара холуобунай эппиэтинэскэ Саха сирин 258 олохтооҕун тартылар. Төрөппүттэр оҕолорун иитиигэ алимент төлүүртэн куота сылдьаллар.
Суут бириистэбин дааннайынан, холуобунай эппиэтинэскэ тардыллыбыттар уопсай ахсааннарыттан 30% дьахтар, атына — эр дьон. Сүрүн чааһа — Дьокуускайга олорор (100 тахса киһи), атыттар — улуустарга (Нерюнгри, Мииринэй, Ленскэй, Ньурба, Хаҥалас).
Саамай элбэх оҕолоох иэстээх ийэ — Ленскэй олохтооҕо 34 саастаах, кини суут быһаарыытынан ый аайы аҕыс оҕотугар алимент төлүөхтээх. Саамай улахана 14-дэ, кырата 2-лээх.
Саамай элбэх оҕолоох аҕа — 34 саастаах Нам улууһун олохтооҕо, кини ый аайы биэс оҕотугар хамнаһын аҥарын ыытыахтаах. Төлөбүрү оҥорботох, хамнаһым суох диэн быһаарбыт. Балаҕан ыйыттан бу эр киһи алта ыйга күһэлэҥ үлэҕэ сууттаммыт.
