«Безопасные качественные дороги» национальнай бырайыагынан 2024 сылга Саха сиригэр Чуоналыыр, Хатыҥ Үрэх, Уолчаан үрэхтэринэн муосталар тутуллаллар, Мииринэй, Кэбээйи, Томпо оройуоттарын өрөспүүбүлүкэтээҕи суолларыгар.
Муосталары саҥардан, уларытан тутуу кыраапык быһыытынан баран иһэр. Бары эбийиэктэр тутуу хонтуруолун ааһаллар, ааптар кэтээн көрүүтүн тутуһаллар, диэн суруйда өрөспүүбүлүкэтээҕи суол Управлениета.
Биэдэмистибэ исписэлиистэрэ бэлиэтээбиттэринэн, Уолчаан үрэҕи туоруур муоста болдьоҕун иннигэр тутуллан бүтэр. Эбийиэк бэлэмэ 100%.
Хапытаалынай өрөмүөн бүтэн эрэр Орто Харыйалаах уонна Куччугуй Харыйалаах үрэхтэри туоруур муосталарга, Сунтаар улууһун «Устье — Кэмпэндээйи» суолугар. Иккиэн быйыл нацбырайыак чэрчитинэн тутуллан, үлэҕэ киириэхтээхтэр.
