11 Атырдьах ыйа 11.08
  • 16°
  • $ 60,45
  • 61,7

Саха сиригэр 12 тыһыынча кэриҥэ киһи тупсарыы сирин-уотун талыыга кыттыста

12 тыһыынча кэриҥэ саха дьоно «Олорор сир уонна куорат эйгэтэ» нацбырайыак чэрчитинэн, «Формирование комфортной городской среды» диэн федеральнай бырайыак куоластааһыныгар кытыннылар. Олохтоох нэһилиэнньэ куоластааһынын ахсаанынан Таатта кыайан иһэр диэн, Саха сирин архитектураҕа уонна куораты тутууга салалтатыгар иһитиннэрдилэр.

Тупсарыы үлэтэ барар сирин-уотун талар бүтүн Арассыыйатааҕы онлайн куоластааһын ыам ыйын 30 күнүгэр диэри буолуоҕа. Быйыл куоластааһыҥҥа Саха сирин 17 эҥэриттэн 40 сир-уот киирсэр: Алдан куорат, Аллараа Кураанах, Амма сэлиэнньэтэ, Ленскэй куорат, Аллараа Бэстээх бөһүөлэгэ, Мииринэй куорат, Айхал бөһүөлэгэ, Удачнай куорат, Нерюнгри куорат,  Уус Ньара бөһүөлэгэ, Өлүөхүмэ куорат, Сунтаар сэлиэнньэтэ, Ытык-Күөл, Бороҕон, Мохсоҕоллоох бөһүөлэктэрэ, Жатай уонна Дьокуускай куорат. Былырыын 59 тыһыынчаттан тахса Саха сирин олохтоохторо ханнык сири-уоту тупсарары талбыттара, быйыл талыллыбыт объектар хайыы-үйэ олоххо киирэн эрэллэр. Билигин  14 саастарын ааспыт олохтоохтор бары 2023 сылга хайа территорияны тупсарары талыахтарын сөп.

Ыам ыйын 5 күнүнээҕи туругунан регион үрдүнэн барыта 11 939 киһи куоластаабыт. Куоластааһыҥҥа нэһилиэнньэ кыттыытын бырыһыанынан Таатта бастаан иһэр. Кинилэр Ытык-Күөлгэ оҕо оонньуур былассааккатын туттараары уонна Ф. М. Охлопков аатынан култуура уонна сынньалаҥ пааркатын толору хааччытар туһугар куоластыыллар. Маныаха, куоластааһыны Таатта нэһилиэгин 38,04% өйөөтө.

Следите за самым важным и интересным в Telegram-канале и WhatsApp-группе ЯСИА
0
0