Саха сиригэр сүөһү уонна сылгы кыстыга ортонон ааһар. От бэлэмнэммиттэн 71 бырыһыана хаалан турар диэн, тыа хаһаайыстыбатын министиэристибэтин пресс-сулууспата СИА-ҕа кэпсээтэ.
Тыа хаһаайыстыбатын миниистирин солбуйааччы Николай Афанасьев эппитинэн, 2020 сыл тохсунньу 9 күнүнээҕи туругунан, бары хаһаайыстыбаларга сүөһү ахсаана 184 978 төбө (100,8% былырыыҥҥыны кытта тэҥнээтэххэ), сылгы – 186 270 төбө (104,6%).
Кини эппитинэн, кыстык ортонон ааһар. Бэлэмнэниллибит 471,5 тыһ.тн оттон, улуустар дааннайдарынан 335,496 тыһ.тн (71%) хаалбыт. 2019 сыллаахха бу көрдөрүү 67,8% тэҥэ.
«Аһылыкка 11 129 төбө сылгы киллэрилиннэ. Былырыын бу кэмҥэ 5 233 төбө этэ. Былырыыҥҥы кыстык устата уопсайа 46 453 төбө сылгы аска туруоруллубута, уопсай ахсаантан 26,1%. Муус устар 4 күнүгэр диэри көрдөрүү улаата турбута. Бүгүҥҥү күҥҥэ ордук Тааттаҕа, Чурапчыга, Үөһээ Бүлүүгэ, Аммаҕа саамай элбэх сылгы аһылыкка киллэрилиннэ», — диэтэ Афанасьев.
Сиһилии https://ysia.ru/v-yakutii-odinnadtsat-tysyach-loshadej-postavleny-na-podkormku/
This post was published on 20.01.2020 13:43 13:43