«Өрүттэр Саха сирин сиригэр-уотугар араас эйгэҕэ холбоһуктаах бырайыактары көҕүлүүргэ уонна олоххо киллэрэргэ уонна дьоҕус уонна орто бизнеһи өйүүргэ эбии усулуобуйаны тэрийэргэ эргиэн -экономическай уонна инвестиционнай бииргэ үлэлээһини сайыннарарга былаанныыллар», — диэн иһитиннэриигэ этиллэр.
Россияҕа Кытай урбаанньыттарын союһа Российскай Федерацияҕа үлэлиир Кытай бизнесменнэрин түмэр уонна өйүүр туһугар тэриллибит коммерческайа суох тэрилтэ. Үлэтин сүрүн эйгэлэрэ атыы-эргиэн, инвестиция, логистика, араас өҥөнү оҥорон таһаарыы уонна оҥоруу. Ону таһынан тэрилтэ бизнеһи ыытыыга, ол иһигэр нолуок, таможня бэрээдэгин уонна юридическай өйөбүл боппуруостарыгар сүбэлиир.
КНӨ Саха сирин тас эргиэнигэр сүрүн партнера буолар. Эргиэн-экономическай уонна культурнай-гуманитарнай бииргэ үлэлээһин эйгэтигэр Хэйлунцзян уонна Цзянси провинциялары кытта сибээстээх. Бүгүн өрөспүүбүлүкэ 19 муниципальнай тэриллиитэ Хэйлунцзян, Цзилинь провинцияларыгар 23 куорат уокуругун, уездтары, оройуоннарын уонна Ис Монголия автономнай оройуонун кытта уруулуу сибээстээх.
2025 с. эргиэн-экономическай бииргэ үлэлээһини сайыннарарга Саха сирин экспорка өйөбүлүн киинин уонна Кытай – Арассыыйа В2В-платформатын GLUZ ардыларыгар сөбүлэһии түһэрсиллибитэ. Ону тэҥэ Саха сирин эргиэн-промышленнай палататын уонна Хэйлунцзян провинциятын Кытай — Арассыыйа эргиэн-экономическай уонна инвестиционнай палататын икки ардыларыгар.
This post was published on 04.09.2025 11:14 11:14