«Кыргызстаҥҥа оробуочай сырыым кэмигэр өрөспүүбүлүкэ президенин, бастакы вице-премьеры, Кыргызстан судаарыстыбаннай сэкирэтээрин уонна Бишкек мэрин кытта көрүстүм. Дириҥ ис хоһоонноох интэриэһинэй көрсүһүүлэр буоллулар. Кыргызстан Саха сирин кытта бары хайысхаларга үлэлииргэ олус интэриэстээҕин бэлиэтиэм этэ, ол иһигэр атыы- экономическай уонна культурнай-гуманитарнай бииргэ үлэлээһиҥҥэ», — диэтэ Айсен Николаев.
Ил Дархан бэлиэтээбитинэн, өрүттэр мас-рестлины аан дойду таһымыгар таһаарыыга ыытыллар тэрээһиннэри чуолкайдаатылар.
«Кыргызстан биһигини 2026 сыллааҕы кочевниктар оонньууларыгар ыҥырар. Онно саха норуотун спортка көрүҥнэригэр күрэхтэһии буоларыгар этилиннэ. Мас-рестлинг официальнай бырагыраамаҕа киирэн турар. Билигин хапсаҕайы Оонньуулар бырагыраамаларыгар киллэрэр соруктаахпыт», — диэтэ регион баһылыга.
2026 сылга Кыргызстан аан бастакытын «Азия оҕолоро» уулусса оонньууларыгар күрэхтэһиилэрэ буолаллар, саҥа киэбинэн спорт ыччакка анаммыт көрүҥнэрэ ыытыллыахтара: стритбол, брейкинг, роллинг уонна да атыттар. Азия хас да дойдута, чуолаан, бу көрүҥнэри киллэрэр туһунан этиилээх. Россия Олимпийскай кэмитиэтэ уонна Азия Олимпийскай сэбиэтэ бу этиини өйөөтүлэр.
Садыр Жапаров Саха сирэ кыргыз норуодунай суруйааччыта Чингиз Айтматов хаалларбыт нэһилиэстибэтин харыстаан сайыннарара сылдьарыгар махтанна. Оттон кинилэр судаарыстыбаннай уонна партийнай деятель, Саха АССР төрүттээччилэртэн биирдэстэрэ, Киргизияҕа баартыйа бастакы сэкирэтээринэн үлэлээбит Максим Аммосовы ытыктыылларын эттилэр.
This post was published on 03.12.2024 12:01 12:01