4 Кулун тутар 04.03
  • -25°
  • $ 91,35
  • 99,11

Саха сирэ уонна Казахстан бииргэ үлэлиир хайысхаларын кэҥэтиэхтэрэ

14:26, 01 декабря 2023
Текст:
Хаартыска: Андрей Сорокин, ЯСИА
Читайте нас на
Яндекс Новости
ЯДВ
Атыы-экэнэмиичэскэй уонна гуманитарнай хайысхаларга бииргэ үлэлиир туһунан Ил Дархан Айсен Николаев уонна Арассыыйаҕа Казахстан өрөспүүбүлүкэтиттэн боломуочуйалаах посола Даурен Абаев сэтинньи 30 күнүгэр көрсөн кэпсэттилэр.
«Саха сирэ Казахстаны кытта бииргэ үлэлиирэ тэтимирэр. Бу сылга ордук биисинэс уонна бииргэ үлэлээһин хайысхатыгар үлэни кэҥэтии күүскэ ыытылынна», — диэн  Айсен Николаев эттэ. Санатар буоллахха, 2023 сыл тоҕус ыйынааҕы түмүгүнэн Саха сирэ Казахстаны кытта табаары эргитиитэ 118,6 мөл. долларга тэҥнэспит. Ааспыт сылга ити кэминээҕи турукка, табаары эргитии 80 мөл. солк эбит. Көрөрбүт курдук, быйылгы көрдөрүү быдан үрдүк, суруйда «Саха сирэ» сайт.
Сыл саҥатыттан Саха сирэ уонна Казахстан ИТ-өҥөтүгэр, ювелирнай уонна чэпчэки бырамыысыланнаска ылсан үлэлээн барбыттара.
«Саха сирэ уонна Казахстан икки ардыларынааҕы үлэ үгүс хайысханы хабар. Ол курдук, бырамыысыланнай кээпэрээссийэ, ИТ-эйгэтэ, атыы, тыа хаһаайыстыбата.  Баларга үлэ хайысхатын өссө кэҥэтэн үлэлиир кыахтар бааллар. Саха сиригэр ИТ-технология, креативнай индустрия сайдыытын кытта билсиэхпит баҕарабын», — диэн бэлиэтээтэ Даурен Абаев.
Кэпсэтии кэмигэр 2024 сылга Саха сирин күннэрин Казахстаҥҥа тэрийии ахтылынна.

«Биһиги бииргэ үлэлээһин хайысхатын өссө кэҥэтиэхпит. ИТ-биисинэскэ баар чопчу бырайыактары сайыннарыыга интэриэстээхпит. Казахстан өрөспүүбүлүкэтигэр ИТ- үөрэхтээһини кытта сибээстээх интэриэһинэй бырайыактар бааллара буоллар. Холобур, Уһук Илиннээҕи стартап-эспэдииссийэ, Арктикатааҕы стартап-эспэдииссийэ, «ИТ — мин идэм» курдук федеральнай куонкурустары Казахстаҥҥа кэҥэтиигэ, тарҕатыыга биһиги хамаандаларбытын кытта бииргэ ылсан үлэлиэхпитин сөп», — диэн Айсен Николаев эттэ.

Айсен Сергеевич Даурен Абаевы эһиил Саха сиригэр Ыһыахха уонна аан дойдутааҕы «Азия оҕолоро» оонньууларга кэлэн кыттыыны ыларыгар ыҥырда.  Ыалдьыт ыҥырыыны өйөөтө уонна Казахстан сүүмэрдэммит хамаандата 1996 сылтан тустаах спортивнай оонньууга өрүү кыттарын туһунан эттэ.

Следите за самым важным и интересным в Telegram-канале и WhatsApp-группе ЯСИА