23 От ыйа 23.07
  • 21°
  • $ 87,78
  • 95,76

Саха сирэ уонна Индия киинэни уонна холбоһуктаах фольклорнай бырайыактары сайыннарыахтара

12:01, 30 апреля 2022
Читайте нас на
Яндекс Новости
ЯДВ

СӨ култуураҕа уонна духуобунай сайдыыга миниистрэ Юрий Куприянов муус устар 29 күнүгэр Владивостокка Индия өрөспүүбүлүкэтин генеральнай консулун Севити Сай Муралны кытта көрүстэ. Өрүттэр Саха сирин уонна Индия икки ардыларыгар бииргэ үлэлээһин боппуруостарын дьүүллэстилэр, уопсай социокултуурунай бырайыактар баар буолуохтарын сөп, диэн СИА-ҕа Саха сирин култуура министиэристибэтин пресс- киинэ иһитиннэрэр.

Юрий Куприянов бэлиэтээбитинэн, Индия уонна Саха сирин икки ардыларыгар култуурунай сибээстэри сайыннарыыга сүрүн хайысхаларынан киинэ уонна фольклор буолар. Чуолаан, киинэни хардарыта прокаттыырга, фестивалларга кыттыыга, фольклорнай бырайыактары тэрийиигэ былааннар бааллар.

Биһиги араас эйгэҕэ хардарыта барыстаах бииргэ үлэлээһиҥҥэ, ол иһигэр гастролу тэрийиигэ, музейдар экспозицияларын тэрийиигэ бэлэммит. Ураты болҕомтону фольклорга уонна киинэҕэ ууруохпут. Быйыл «ЮНЕСКО шедеврдэрин көрсүү» бырайыагы ыытабыт,бу бөдөҥ бырайыагы хаһыспытын даҕаны ыытабыт. Ыһыах саҕана буолар. Биһиги биэс киһилээх Кутияттам диэн Санскрит тыйаатырын труппатын бэс ыйын 20-26 күннэригэр кэлэллэрин кэпсэттибит. Өрөспүүбүлүкэҕэ интэриэһинэй фольклорнай ансаамбыллар, ураты Олонхо тыйаатыра, бааллар, бу Индия олохтоохторугар интэриэһинэй буолуохтаах.Бииргэ үлэлээһин биир саамай кэскиллээх хайысхатынан кинематографияны көрөбүт. Саха киинэ Арассыыйа уонна Азия дойдуларыгар биллэр. Индия киинэ фестивалларыгар кыттарга уонна кинилэр киинэлэрин манна прокаттыырга, ону тэҥэ Индия партнердарын кытары холбоһуктаах бырайыактары олоххо киллэриигэ бэлэммит, — диэтэ Юрий Куприянов.

Индия консула Саха АССР тэриллибитэ 100 сылын бэлиэтээһинигэр кыттыспытыттан үөрүүтүн үллэһиннэ уонна Индия өрөспүүбүлүкэтэ тутулуга суох буолбута 75 сыллаах үбүлүөйүн кытта эмиэ сөп түбэһэрин бэлиэтээтэ.

Следите за самым важным и интересным в Telegram-канале и WhatsApp-группе ЯСИА