Бу нэдиэлэҕэ өрөспүүбүлүкэ киин куоратыгар тустуу төрүттэммитэ 60 сылыгар анаммыт тэрээһиннэр ыытылаллар. Ахсынньы 9 күнүгэр спорт бу көрүҥүн бэтэрээннэрэ уонна тренердэрэ өрөспүүбүлүкэ араас муннуктарыттан кэлиэхтэрэ.
Күн бастакы аҥаарыгар кинилэр Саха сирин спордун уонна физическэй култууратын музейыгар, куорат спортивнай эбийиэктэригэр сылдьыахтара. Эбиэт кэнниттэн спортивнай тустуу федерацията отчуотуур-быыбардыыр конференцияны ыытар.
16:00 чааска 1-кы №-дээх бырабыыталыстыба дьиэтигэр үөрүүлээх мунньах ыытыллар. Онно Саха сирин баһылыга Егор Борисов кыттар.
«Саха» НКИК тэрээһини киэҥник сырдатыа. Ахсынньы 9, 10 уонна 11 күннэригэр «Саха» ханаалыгар «Көбүөргэ сахалар» киинэни көрдөрүөхтэрэ. Биэриилэр 22 чаас 30 мүнүүтэттэн саҕаланыахтара. Баскыһыанньаҕа, ахсынньы 11 күнүгэр киэһэ 19 чаас 15 мүнүүтэҕэ «Спорт клуб» биэриигэ Саха сирин аатырбыт тустууктара кыттыахтара.
This post was published on 06.12.2016 16:56 16:56