Өрөспүүбүлүкэ оперативнай штаба анал байыаннай дьайыы кыттыылаахтарыгар гуманитарнай көмө уочараттаах баартыйатын ыытар. Бу туһунан брифинг кэмигэр Саха сирин гражданскай оборуона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистири солбуйааччы Яна Наумова кэпсээтэ.
Кини чугастааҕы күннэргэ СВО зонатыгар норуот биир сомоҕолоһуутун Күнүгэр аналлаах бородууксуйа набордара тиэрдиллиэхтэрин бэлиэтээтэ. Бу акция – бойобуой дьайыы зонатыгар Саха сириттэн сылдьар байыаннай сулууспалаахтары өйүүр систиэмэлээх үлэ сорҕото.
«Тирэх пууннар СВО кыттыылаахтарын хааччыйыыга систиэмэлээх үлэни салҕыыллар. Аны бу нэдиэлэҕэ анал байыаннай дьайыы ыытыллар зонатыгар норуот биир сомоҕолоһуутун Күнүгэр аналлаах бородууксуйа набордарын тиэрдиэхпит. Бу көмө биһиги байыастарбытын өйүүргэ уопсай кылааппыт», — диэтэ Яна Наумова.
Ону таһынан гуманитарнай көмө саҥа баартыйатын ыытыы көхтөөх фазаҕа сылдьар. Өлүөнэ эбэни туоруурга хааччахтар буола иликтэринэ үс рейс былааннанар, ол кэмигэр СВО зонатыгар өрөспүүбүлүкэ олохтоохторуттан автотехниканы, гуманитарнай таһаҕаһы уонна аадырыстаах баыылкалары тиэрдиэхтэрэ.
Көмөнү оҥорууга уонна тиэрдиигэ тэрилтэлэр, уопсастыбанньыктар уонна кыһамньылаах гражданнар кытталлар. Саха Өрөспүүбүлүкэтэ биир сомоҕо уонна хардарыта көмөлөһүү бириинсиптэригэр бэриниилээҕин бигэргэтэн, көмүскээччилэригэр бары өттүнэн өйөбүлү оҥорор.
This post was published on 22.10.2025 16:22 16:22