Ил Дархан Айсен Николаев сорудаҕынан, ыам уонна бэс ыйдарыгар Саха сирэ түһүмэхтэринэн анал байыаннай дьаһал буола турар сиригэр 50 «Сокол» квадроцикл ыытыаҕа.
Олохтоох оҥорон таһаарааччыны кытта хантараак түһэрсилиннэ, өрөспүүбүлүкэтээҕи суһал штаб иһитиннэрэр.
Быһаарбыттарынан, техниканы тирэх пууннар нөҥүө байыаннай сулууспалаахтарга тиксэриэхтэрэ. Эрдэлээн СВО зоналарыгар Саха сирэ тоҕус «Сокол» бырысыаптаах квадроциклы тиксэрбитэ.
Саҥардыллыбыт вездеходтар байыаннайдартан «үчүгэй» диэн быһаарыыны ылбыттара. Маны сэргэ анал байыаннай дьаһал кыттыылаахтарыгар сахалыы бэлиэлэрдээх шевроннары уонна нашивкалары бэлэмниэхтэрэ. Балары оҥорууга «Якутия с тобой!» уопсастыбаннай хамсааһын волонтёрдарын иистэнэр сыахтара турунна.
Санаттахха, СВО зонатыгар анал техникалары тиксэрии туһунан этии Ил Дарханы кытта быһа эпиир кэмигэр этиллибитэ.
