Саха дьахтарын таҥаһынан Санкт-Петербург куоракка Россиятааҕы этнографическай музей экспозицията толоруллан биэрдэ. Дириэктэр Юлия Купинаҕа ураты экспонаты Саха сирин култуураҕа миниистирэ Юрий Куприянов туттарда.
Сон, дьабака бэргэһэ, үтүлүк — 19 үйэтээҕи саха дьахтарын таҥаһа. Тигиитигэр үгэс буолбут ньыма туттулунна: хоруоҥканан быысапка, кыбытыы.
«Россиятааҕы этнографическай музей 3700 экспоната — Саха сирин коллекцията. Бу култуура, искусство, олох-дьаһах, норуот айымньытын ураты предметтара. Аҥардас чороон 180 устуука. Коллекция өссө биир ураты экспонатынан эбилиннэ – Саха сирин народнай худуоһунньуга, норуот маастара Анна Зверева тус оҥоһуутугар дьахтар национальнай таҥаһа», — диэтэ Юрий Куприянов.
Россиятааҕы этнографическай музей хомуурунньугар Россия 160 норуотун мала-сала баар.
This post was published on 10.11.2022 13:30 13:30