2022 сылга 9 ый устата өрөспүүбүлүкэ сиртэн хостонор баайын туһанааччылара 60,4 туонна үрүҥ көмүһү хостоотулар, ити былырыыҥҥытааҕар 27,9% элбэх, диэн СИА-ҕа баһылык уонна бырабыыталыстыба пресс-сулууспата иһитиннэрдэ.
«Былырыын биһиги гааһы, чоҕу, үрүҥ уонна кыһыл көмүһү, неби хостооһуҥҥа рекордтаах этибит. Төһө даҕаны биһиги дойдубут утары санкция биллэрдэллэр быйыл тоҕус ый иһигэр промышленнай оҥорон таһаарыы индексэ 112,7% тэҥнэстэ, бу кэлиҥҥи сылларга бастыҥ көрдөрүү. Биһиги эмиэ сир баайын хостооһуҥҥа рекордка баран эрэбит, бу оройуон эрэ социальнай-экономическай сайдыытыгар буолбакка, бүтүн өрөспүүбүлүкэ сайдыытыгар сабыдыаллыыр»,-диэн Саха сирин баһылыга Айсен Николаев бэлиэтээн эттэ.
Көмүһү хостооһун уопсай кээмэйэ өрөспүүбүлүкэ сиригэр-уотугар икки бөдөҥ предприятиелар — «Прогноз» АО уонна ООО «ГеоПроМайнинг Верхне-Менкече» суотугар улаатта.
