“Медиалогия” хампаанньа Владимир Путин 2012 сыл ыам ыйыгар таһаарбыт ыйаахтарын толорууга Арассыыйа регионнарын медиарейтинин бэлэмнээтэ.
Саха сирэ Владимир Путин социальнай эйгэҕэ “ыам ыйдааҕы ыйаахтарын” олоххо киллэриигэ Арассыыйа регионнарын ортотугар бэһис строчкаҕа таҕыста.
Санатан эттэххэ, 2018 сыл тохсунньу 1 күнүттэн Саха сиригэр “ыам ыйдааҕы ыйаахтары” олоххо киллэрии чэрчитинэн бүддьүөт эйгэтин үлэһиттэрин хамнаһа үрдээбитэ. 2010 сылтан Саха сирин олохтоохторун үйэтэ 66,7 саастан 71,6 диэри үрдээбитэ. Киһи хапытаалын сайыннарыыга регион Уһук Илиҥҥэ инники иһэр.
“2024 сылга Арассыыйа бэрэсидьиэнин “ыам ыйдааҕы ыйаахтарыгар” ыйыллыбыт бары хайысхаларга инники күөҥҥэ тахсыахпыт диэн эрэнэбин”, — диэбитэ Саха сирин Ил Дарханын э.т. Айсен Николаев.
СИА.
