Норуоттар икки ардыларынааҕы өй-билии Оонньуутун ыытар туһунан көҕүлүүр этиилээх Егор Борисов научнай конференцияҕа кытынна. Кини этэринэн, манна «Азия оҕолорун» ыытыы уопута көмөлөһүөҕэ.
«Норуоттар икки ардыларынааҕы оҕо кыһыҥҥы спорт Оонньуутун ыытар идеябытын син-биир туруулаһабыт. Маны сэргэ Саха сирин үөрэнээччилэрин, устудьуоннарын олимпиадаларга уонна куонкурустарга ситиһиилээх кыттыыларын бэлиэтээн туран, азиатскай дойдуларга Норуоттар икки ардыларынааҕы өй-билии Оонньуутун ыытар туһунан этии оҥорорго быһаардыбыт», — диэтэ Егор Борисов.
Азиатскай региоҥҥа оҕо күрэхтэһиилэрин ыытыы уопутун үөрэтии «»Азия оҕолоро» — олимпизмы туруулаһыы уонна спортка саппааһы бэлэмнээһин фактора» Норуоттар икки ардыларынааҕы научнай конференция сүрүн тиэмэтинэн буолла. Конференция от ыйын 7 күнүгэр Хотугулуу-илиҥҥи федеральнай университекка ыытылынна.
This post was published on 08.07.2016 13:08 13:08