Өрөспүүбүлүкэ бырамыысыланнаска министиэристибэтигэр кыһыл көмүһү хостуур тэрилтэлэр кыахтарыгар эрэнэллэр уонна улахан соруктары туруораллар.
“Сыл түмүгүнэн 25 тоннаҕа тахсар былааннаахпыт уонна ону толоруохпут. Өссө сыл аҥаарын анараа өттүгэр 24,5 тоннаны кыайар кыахтаахпыт дии саныырбыт”, — диэн бэлиэтээтэ өрөспүүбүлүкэ бырамыысыланнаска миниистирэ Максим Терещенко.
Министиэристибэҕэ көһөҥө уонна бытархай кыһыл көмүһү хостооһуҥҥа кэскиллээх- инвестиционнай бырайыактары олоххо киллэриэххэ сөбүн этэллэр. 2022 сылга 30 тонна кыһыл көмүһү хостуур соруктаахтар.
“35 тонна көрдөрүүнү ситиһиэхпит диэн билиҥҥитэ эппэппит, ол эрээри 60-ча хампаанньабыт көрдөрүүлэрин үрдэтэн, дьоһун кылааттарын киллэрэллэр”, — диэтэ Терещенко.
This post was published on 26.10.2018 17:04 17:04