Россия регионнара эбии 3 млрд солк модульнай спортивнай саалалары уонна өйдөөх спортивнай былаһааккалары тутууга ылыаҕа, «Бизнес-спринт» федеральнайдааҕы бырайыак чэрчитинэн. Уураахха бырабыыталыстыба бэрэссэдээтэлэ Михаил Мишустин илии баттаата. Бу докумуоҥҥа олоҕуран, Саха сирэ 152 мөл солк тутуоҕа, Бырабыыталыстыба саайтыгар суруллар.
Федеральнай үбүлээһининэн регионнарга 80-тан тахса модульнай спортивнай саала уонна 200-чэ өйдөөх спортивнай былаһаакка тутуллуоҕа. Бу аныгылыы, интернет холбонор, спордунан дьарыктаныыга анал тэриллэрдээх, хас биирдии киһи тус сөптөөх эрчиллиини ылар сирэ буолуоҕа. Маннык инфраструктура дьон спордунан дьарыктанарыгар, доруобай олоххо тириэрдэр соруктаах.
2022 сыл саҕаланыытыгар бырабыыталыстыба бу бырайыагынан регионнарга уопсайа 9 млрд солк анаабыта.
Саха сирэ 2023 сылга бу сыалга өссө — 100 мөл солк ылыаҕа.
This post was published on 24.05.2022 13:01 13:01