Сүрүн ыһыы сүөһү аһын олордууга – 31,6 тыһыынча гектар. Туораахтаахха эбиэс лидер — 6,9 тыһ. га. Хортуоппуй — 6,3 тыһ. га уонна аһаҕас халлаан анныгар оҕуруот аһа 1,3 тыһ. га.
Билигин сүөһү аһын бэлэмнээһиҥҥэ сүрүн болҕомто ууруллар. Министиэристибэ бирикээһинэн, өрөспүүбүлүкэ былаана: окко 434 тыһ туонна, сиилэс 24 тыһ туонна уонна сенаж 13 тыһ туонна.
«Оту 470 тыһ туоннаны ыларбыт, кураан дьыл — 370 тыһ туоннаны. Араастаһыы 100 тыһ туонна. Онон бэйэбитин хааччынарга култуурунай-техническай үлэнэн күүскэ дьарыктаныахтаахпыт, ол эбэтэр оту, бурдугу үүннэрэн, сөптөөх үүнүүнү ыларга», — диэтэ Сахаяна Павлова.
Тыйыс айылҕалаах сиргэ сүөһү аһын бэлэмнээһиҥҥэ саҥа агротехнология киллэриллэр, саҥа көрүҥнэри олордуллар, холобур, подсолнечник уонна кукуруза. Маннык дьаһаннахха, биир гектартан 15 — 35 туонна күөх маассаны ылыахха.
This post was published on 24.07.2025 10:16 10:16