Саха сирэ биир кэлим субсидия бырагырааматынан 4,1 млрд солк ылыаҕа

Президент Уһук Илиҥҥэ субсидия биир кэлим бырагырааматынан 2025-2027 сылларга Саха сирэ  4,1 млрд солк үбүлээһини ылар, ол туһунан ТАСС-ка регион экономикаҕа министиэристибэтин пресс-сулууспата суруйда.
Бырагыраамаҕа 14 дьаһал киирэр, ол иһигэр тоҕуһа Дьокуускай уонна Нерюнгри маастар былааннарын туолуулара.

Министиэристибэҕэ эппиттэринэн, судаарыстыба баһылыгын сорудаҕынан оҥоһуллубут бырагыраама Уһук Илин федеральнайдааҕы уокурук нэһилиэнньэтин олоҕун хаачыстыбатын тупсарыыга туһуланар.

2018 — 2024 сылларга бу бырагырааманан федеральнайдааҕы бюджеттан 15,7 млрд солк көрүллүбүтэ.

This post was published on 23.01.2025 13:02 13:02